Министерот за здравство и лидер на едното крило на Алијанса за Албанците, Арбен Таравари денеска ќе поднесе оставка од функцијата, а за останатите функционери од оваа партија очекува да бидат разрешени.
– Јас поднесувам оставка, другите ќе бидат разрешени, рече Таравари.
Ваквата одлука доаѓа откако во понеделникот партијата по недоразбирањата со останатите коалициски партнери во „ВРЕДИ“ донесе одлука да ја напушти владината коалиција и да оди во опозиција. На претстојните локални избори партијата ќе настапи со свои кандидатски листи за советници.
Премиерот Христијан Мицкоски најави дека промените во Владата, односно новите имиња за испразнетите места ќе бидат познати следната недела. Од ВРЕДИ вчера порачаа дека не се преговара за размена на ресори.