Утрово околу 3 часот на подрачјето на скопската општина Карпош, биле уапсени П.К.(48) и С.А.(40), двајцата од Скопје, кои полицијата ги фатила на дело како обиваат автомобил, сопственост на Г.И.(49) од Скопје, информира полицијата.
„Двајцата крадци биле приведени во Полициската станица Карпош и при извршен разговор со нив појасниле дека во текот на септември и октомври имале извршено 18 кривични дела „тешка кражба“ во патнички возила на територијата на Скопје,“ се вели во полициското соопштение.
По целосно документирање на случајот, против нив ќе бидат поднесени соодветни пријави, додаваат од МВР.