Во акциска контрола спроведена синоќа во ноќен клуб на булеварот „Железничка“ во Охрид, полициски службеници од Регионалниот центар за гранични работи Запад привеле седум странски државјанки поради нелегална работа.
Како што соопшти полицијата, приведени се А.Г.(28), М.Р.(26), А.Б.(29) и А.С.(28), државјанки на Русија, П.П.(31) од Бугарија, А.Л.(31) од Казахстан и А.Р.(42) од Србија.
При контролата во ноќниот клуб, тие биле затекнати како нелегално работат како танчерки, по што биле приведени во полициска станица.
По целосно документирање на случајот, против нив ќе бидат поднесени соодветни пријави по член 217 од Законот за странци.
