Претседателот на Собранието, Талат Џафери, од Парламентите на сите 29 земји членки на НАТО побарал да присуствува на сите ратификации на Протоколот за пристапување на Република Северна Македонија во НАТО.
Со него на патувањето во Романија и Литванија е и пратеникот Панчо Минов и членови од неговиот кабинет. Кога ќе се земат предвид скапите авионски карти, хотелското сместување и девизните дневници, граѓаните скапо ги чини, оваа желба за патување на спикерот Џафери. Џафери до сега беше во Парламентите на Словенија, Бугарија, Албанија и Црна Гора.
Таму беше прогласен за непосакуван гостин, бидејќи опозицијата кажа дека бил терорист и убивал македонски полицајци и војници, а сигурно пукал и во Срби.
Никаде не е пропишано, а и досегашните земји кои пристапуваа во НАТО, ја немаа праксата на Џафери да отпатуваат и да присуствуваат во сите Парламенти на чинот на ратификација.