Мајка на 15 годишно девојче пријавила дека нејзината ќерка била сексуално вознемирувана од страна на такси возач.
Девојчето влегло во такси возилото, по што му кажала на возачот да ја превезе до улицата каде живеела. Откако тргнале со возилото, според изјавата на пријавителот, такси возачот започнал разговор, по што во еден момент се завртил и со раката ја штипнал за образот. Пред да стигнат во нејзиниот дом истиот посегнал со раката на задното седиште и ја допирал за градите.
Таксистот бил повикан на разговор во полициската станица и против него по целосното расчистување и документирање на случајот ќе биде поднесен соодветен поднесок.