Наместо да го подобрува животот на Албанците во Република Македонија, ДУИ го уназадува, истакна вечерва на митинг во Струга лидерот на ДПА Мендух Тачи.
– ДУИ доби мандат за да го заштити народот, а тие вршат терор. Ова што им се случува на Албанците во 21 век е многу тешко, но народот секогаш го извлекува најдоброто и тој е оној што одлучува кој ќе влезе во власта. Јавно ви ветувам господине Ахмети дека и со еден пратеник ќе влезам во власта, истакна Тачи.
ДПА ги претстави кандидатите за пратеници на партијата во Петата изборна единица.
Носителот на кандидатската листа Зија Јонузи рече дека е крајно време Албанците во Република Македонија да сфатат дека ДУИ ги лажела оти ќе ги интегрира во ЕУ и НАТО.
– Апелирам без оглед на политичката боја да гласате за ДПА за да стане оваа партија гаранција за еднаквост на Албанците во Македонија, рече Јонузи пред стружани.