Секторот за внатрешни работи во Тетово расчисти шест тешки кражби и едно разбојништво кои се случиле крајот на минатата и во текот на оваа година на поширокото Тетовско подрачје.
Како што информираше портпарол на СВР Тетово, Марјан Јосифовски за пет од овие кражби, извршени во угостителски објекти и магацин за сточарски производи во Тетово полицијата сомничи три лица, сите од Тетово Ј.А.(24), Б.В.(26) и Ф.З.(23). Осомничените откако насилно ќе провалиле во објектите, одземале најразлични производи телевизори, музички инструменти, сирење и друго,а потоа им ги продавале на заинтересирани поединци во Тетово, Гостивар и Охрид.
За извршување на шесттата расветлена кражба на музички инструменти во угостителски обејкт во Теарце се сомничат Г.Н. (30) и уште едно лице, чиј идентитет веќе му е познат на СВР Тетово и кое наскоро ќе биде повикано на разговор.
Разбојништвото врз тетовски такстист на петти декември минатата година се сомничи дека го извршил тетовецот Ф.З.(26), кој му нанесол видливи повреди и му го одзел телефонот на таксистот.
Најголемиот број од одземените предмети се пронајдени и ќе им бидат вратени на нивните сопственици додека против шесте лица инволвираните во тешките кражби и разбојништвото ќе следуваат соодветни пријави.