Секторот за внатрешни работи – Струмица до Основното јавно обвинителство поднесе кривична пријава против две лица, 56-годишниот Р.Т од Струмица и 47-годишниот Г.П од Штип со привремено живеалиште во Струмица за дело „сквернавење на умрен“. Двајцата биле вработени како гробари во еден погребален оператор и во 2015 година одземале накит од гробовите, велат од СВР – Струмица.
– Осомничените при ископ на стари гробови поради закоп на нови лица, го одземале накитот кој го пронаоѓеле, а потоа го продавале кај неколку златари во Струмица. При претрес во нивните домови биле пронајдени и со потврда биле одземени две откупни белешки за откуп на злато од златари, истакна Хризантема Рендевска, портпарол на СВР – Струмица на прес конференцијата.
Рендевска истакна дека пријавените при разговор со полициски службеници ги посочиле гробовите од кои го одзеле накитот.