СВР-Штип регистрира пет сообраќајни несреќи за едно деноноќие

Од:

Пет сообраќајни несреќи се случиле на подрачјето на СВР-Штип за едно деноноќе.

Портпаролот на СВР-Штип, Гордана Панајотова информира дека во овие несреќи седум лица се здобиле со телесни повреди, а дел од нив завршиле во болниците во Штип и Велес. Инаку две од сообраќајните несреќи се случиле во Светиниколскиот регион, а по една во Штип, Виница и Кочани.

– Карактеристично е што синоќа во 19:30 се случиле две несреќи во светниколскиот регион, едната е на локалниот пат Свети Николе село Горубинци, каде што автомобил удрил во пешак, а втората е на влезот на село Лозово, каде што во несреќата до судир доаѓа меѓу мотоколтиватор и мотор, на кој се превезувале две малолетни лица на возраст од 16 години. Повредени се сопатничката на мотоколтиваторот и малолетниците, кои се хоспитализирани во Општата болница во Велес, истакна Панајотова.

Панајотова вели дека од СВР – Штип се упатува апел до сите учесници во сообраќајот да бидат внимателни и да ги почитуваат сообраќајните правила и прописи, поставената сообраќајна сигнализација, да ја прилагодат брзината на движење кон условите и состојбата на патиштата, како не би дошло до сообраќајни незгоди со потешки последици, а воедно и за лична безбедност и безбедност на останатите учесници.

Би можело да ве интересира

Се судрија две возила, во сообраќајката повредена е малолетничка од Скопје

Се судрија три возила, повредени се 12 лица

Повредено едно лице во сообраќајка кај кавадаречко Дреново

Горан Наумовски

Сообраќајна несреќа кај Дреново, превртено возило на локалниот пат кон Кавадарци

Во сообраќајка тешко е повреден малолетник од Виница

(ВИДЕО) Девојче загина во сообраќајка во САД: Семејството снимено како го тепа возачот