Во организација на Црвениот крст на Град Скопје денеска во Пунктот за бездомници – Момин Поток ќе биде одбележан Светскиот ден на бездомништвото.
Пунктот за бездомници во Момин Поток функционира деветта година по ред и нуди услуги, помош и поддршка на 50 бездомници на дневна основа кои редовно го посетуваат секој петок и има за цел да овозможи тие да ги остварат основните човекови права и да се реинтегрираат во општеството.
Бездомниците во пунктот можат да ги користат услугите за одржување на хигиената, а со нив работи и тим од доктор, психолог и социјална работа. Тие исто така добиваат и облека, храна и други материјални добра.