Во Кривичниот суд на денешното судењето на обвинетите за обидот за убиство на пратеникот Зијадин Села, што се случи на 27 април минатата година во Собранието на Република Македонија, исказ даваа неколку сведоци.
Меѓу сведоците беа и една новинарка и обезбедувачот на министерот за внатрешни работи Оливер Спасовски. Тие зборуваа за случувањата и насилството што се случи врз Зијадин Села попладнето на 27 април 2017 година кога Талат Џафери беше избран за претседател на Собранието на РМ.
Во овој случај обвинети се Кире и Цане Ѓорѓиевски, Оливер Ошавковски, Саша Ценков, Николче Димитриевски, Александар Јаневски – Тошта, Андреј Мицов, Никола Војминовски, Коста Делов и Стојан Павловски – Кобра.
На претходните рочишта обвинетите за обид за убиство на пратеникот Зијадин Села се изјаснија за невини. Тие пред Судот кажаа дека го разбираат обвинението, но не се чувствуваат виновни и оти тоа ќе го докажат во натамошната постапка.
