Министерот за транспорт и врски Горан Сугарески денеска во Скопје со израелскиот амбасадор Дан Орјан разговарал за можноста за воспоставување директна авионска линија Скопје – Тел Авив.
На средбата министерот Сугарески го информирал амбасадорот за сите потребни процедури и услови за воспоставување на ваква авио линија.
Министерот Сугарески, како што соопшти ресорното Министерство, го запознал амбасадорот на Израел и со инфраструктурните проекти што се реализираат во Македонија, како и со реформите што ќе се спроведуваат во наредниот период, а се во насока на подобрување на севкупната состојба во државата.
Двајцата соговорници се согласиле да се интензивира понатамошната соработка и да се подобруваат економските односи меѓу Македонија и Израел.