Пратеничката група на СДСМ нема да присуствува на обраќањето на претседателот Ѓорге Иванов, затоа што изборите на кој го добил вториот мандат се нелегитимни, криминални и груб фалсификат, изјави координаторот на СДСМ во парламентот, Горан Сугарески.
Дека Иванов бил избран на нелегитимни избори, рече тој, се потврди во објавените „бомби“ и во проектот на опозицијата „Вистината за Македонија.“
– Доцна е за него. Да имаше Иванов доблест – рече Сугаревски – ќе си поднесеше оставка уште дента кога се потпиша договорот од Пржино.
– Учинокот на Иванов е најголемата девастација и понижување на функцијата претседател. За сите клучни прашања молчеше и ја прифати улогата приврзок на Груевски. Иванов е како „слика има, тон нема“. Молчеше за прислушувањето, молчеше за огромниот криминал и корупција откриен во проектот „Вистината за Македонија“. Иванов е само нем сведок додека Македонија се наоѓа во најголемата политичка криза во нејзината историја – рече тој.
Маја Васева