Судскиот совет денеска одржа работен состанок во врска со случајот „Палермо“ и присуството на фудбалскиот натпревар на судијата Лазар Нанев. Тргнувајќи од основните заложби на Судскиот совет за враќање на довербата на граѓаните во судството, а во рамките на своите законските овластувања, советот го испитува случајот кој деновиве ја разбранува јавноста информираат од Судскиот совет.
– Во врска со евентуално прекршување на етичките норми напоменуваме дека во Здружението на судии постои Совет за етика чие мислење ќе го имаме предвид. Откако Судскиот совет ќе ги провери сите релевантни наводи за овој случај навремено ќе ја извести јавноста за понатамошните активности се вели во соопштението од Советот.
Претседателот на кавадаречкиот суд како и министерот за правда Никола Тупанчевски и обвинителката Фатиме Фетаи беа во Палермо на квалификацискиот натпревар меѓу фудбалските репрезентации на Македонија и Италија. Дуелот го проследија од ВИП ложата.