Емет Кранли-Али е избрана за претседателка на Основниот суд во Ресен, а за претседател на судот во Виница е избрана Сузана Спасова. Изборот за претседател на судот во Тетово е одложен. По разгледување на овие точки, Судскиот совет не можеше да продолжи со работа, бидејќи во зградата снема струја. Седницата траеше час и половина, по што беше прекината. Бидејќи зградата остана без струја, нефункционален беше и системот за гласање, како и системот за говорење.
На следната седница ќе треба да се изберат второстепени судии во Гостивар, како и судии за Кривичниот суд во Скопје и Штип. На таа седница, ќе треба да пензионираат и судија поради исполнување услови за старосна пензија. Ќе се формираат и комисии кои ќе треба да утврдуваат одговорност кај судија и претседател на суд. Истовремено, треба да се расправа и за претставки од граѓани.
На денешната седница, беше избран Иван Џолев за претседател на Кривичен суд во Скопје. Ова е негов втор мандат. Првпат беше избран во 2017 година.