Судoт го одби предлогот на обвинителството за спојување на постапките во случајот „Адитив“

Од:

Судечкиот совет во Кривичниот суд денеска го одби предлогот на обвинителството за спојување на постапките во случајот „Адитив“, кој се однесува на злоупотреби во државната компанија ЕСМ и фиктивни тендери вредни милиони евра. Според судот, спојувањето би довело до непотребно одолговлекување и би ги ставило обвинетите во потешка положба.

Согласно одлуката, Случајот „Адитив“ сега ќе се води преку две одвоени постапки.

Првиот предмет опфаќа над 30 физички и правни лица, меѓу кои и поранешни директори и функционери, обвинети за злосторничко здружување, злоупотреба на службена положба, перење пари и оддавање службена тајна.

Вториот предмет во кој е и поранешната претседателка на Државната комисија за спречување на корупција, Татјана Димитровска, е оформен како продолжение на истрагата, со обвинителен акт против едно лице (Б.Н.) и обвинителен предлог против Димитриевска и уште двајца (Б.П.М. и М.С.) за кривично дело „оддавање службена тајна“.

Одлучувајќи по денешниот предлог на обвинителството за спојување на постапките, Судот оцени дека предметите се различно оформени, со различен број обвинети и степен на подготвеност, што не дозволува нивно спојување без да се наруши економичноста и правата на обвинетите.

-Не постојат услови за спојување на постапката, токму поради тоа обвинетите за кои е поднесен обвинителен предлог да не бидат изложени на долготрајно судење, рече судијката Лидија Петровска.

Обвинителството, пак, го бранеше предлогот за спојување со аргумент дека постои меѓусебна врска меѓу кривичните дела и заеднички докази, но, судот остана на ставот дека раздвоените постапки се поцелисходни.

Судењето за предметот „Адитив“ во кое се опфатени над 30 физички и правни лица за злоупотреби во државната компанија ЕСМ и фиктивни тендери вредни милиони евра, продолжува на 15 септември. Додека, за вториот предмет ќе биде дополнително утврдено.

Би можело да ве интересира

Кривичен суд: Одложено судењето за предметот „Адитив“

Кривичен одобри обвинителен акт како продолжение на истрагата за предметот „Адитив“

Утковски: Имаме ограничен број на возила и вработени во затворската полиција во затвор „Скопје“

Горан Наумовски

Кривичен суд: Рочиштата за главна расправа се одложени поради непостапување на Затворските установи

Кривичен го одобри обвинението за директорите на Онкологија – Васев и Нухи, го оштетија државниот буџет за 36 милиони евра

А1он

Кривичниот суд ја осуди Де Јесус Невес Марлиене, државјанка на Бразил на казна затвор од 5,6 години за посредување во проституција