Студентскиот пленум реши да ја прекине окупацијата на факултетите. Од утре ќе се одржува редовната настава. Сепак, остануваат алтернативните зони со плакатите кои ќе сведочат за студентската борба за автономијата и Ова е одлуката на Студентски пленум кои по 14 дена окупација на факултетите, вчера постигна договор со власта за целосно нов закон за високо образование. во чија изработка ќе бидат вклучени и студентите и професорите.
-Власта попушти на нашите барања. Ние вчера добивме комлетно нов интегрален закон кој ќе се изработува со нова методологија и во чие изработување ќе бидеме вклучени и ние. Поради заемно постигнатиот договор ние одлучивме да се прекине бојкотот и да се продолжи формалната настава, вели Стефан Видиков од Студентскиот пленум.
За 30 дена ќе се формира основата на новиот закон и ќе се формираат широките работни групи. Потоа, студентите очекуваат за шест до осум месеци да се добие финална верзија на нов предлог-текст на законот.
-Ни беше ветено дека надворешно тестирање нема да има, а од друга страна во работните групи сме присутни ние и професорскиот пленум, заедно со сенаторите, чиј што заеднички став е дека нема да прифатиме никаква форма на надворешно тестирање, рече Ивана Туфегџиќ од Студентскиот пленум.
На студентите им е ветено дека нема ништо да загубат од семестарот и испитите. Тоа ќе се надокнади во текот на следниве денови или ќе се забрза наставата.
– Ќе продолжиме и со алтернативните предавања на кој ќе се зборува за студентските барања, велат од Студентски пленум.