Студентите од неформалната студентска организација „Студентски пленум“ велат дека сè уште се во координација и немаат одлучено која е наредната мерка што ќе ја преземат откако Собранието ги усвои, а претседателот Ѓорге Иванов ги потпиша измените на Законот за високо образование.
– Деновиве имаме интерни пленуми на факултетите, а во текот на наредната недела ќе одржиме заеднички голем пленум. Засега немаме одлучено кои ќе ни бидат наредните мерки. Сега имаме испитна сесија, а од втори февруари ни почнува редовната настава. Сè додека не одлучиме која конкретна акција ќе ја преземеме, сè ќе остане како досега, што значи ќе посетуваме настава – вели Дарко Малиновски од „Студентски пленум“.