По вчерашните протести, Студентски пленум соопштува дека биле насилно и брутално приведени студенти и бара нивно пуштање од пртвор, а виновните за тоа да одговараат.
“Нашите колеги и другари на фотографијата, со кои минатата година рамо до рамо ја браневме универзитетската автономија и достоинство, вечерва се насилно и брутално приведени од страна на полицијата. Ова се луѓе кои со своето знаење, доблест и храброст се истакнале во борбата за поправедно општество. Непредизвиканиот насилен однос од полицијата и третманот како хулигани нè убедува уште посилно и погласно да бараме правда во нашата држава!
Бараме истите итно и безусловно да бидат пуштени, а виновните за пречекорувањето на полициските овластувања да бидат соодветно санкционирани!
Овие другари вечерва физички се повредени, но нивното достоинство е цврсто и здраво! Тие се наши херои!
Се гледаме во 6!
#НемаПравдаНемаМир #Протестираме“, пишува Студентски пленум.