„Ве известуваме дека Државниот студентски центар со помош на БЕГ ги реши и санира проблемите настанати со дефект во внатрешната инсталација во студентскиот дом „Стив Наумов“. Студентите од денеска имаат греење и топли радијатори, а од пред два дена и топла вода.
Проблемот којшто се јави со греењето и топлата вода беше од техничка природа поради дотраена опрема. Студентските домови беа затекнати во катастрофална состојба со долг од над 5 милиони евра од кој се подмирени 2 милиони евра. Продолжуваме да ги намалуваме заостанатите долгови, а истовремено вложуваме во подобрување на условите во домовите.
Ќе започне и реновирање на кујната во „Гоце Делчев“, реконструкција на крововите во “Стив Наумов”, поставување видео надзор за обезбедување и поголема безбедност на студентите, како и реализација на јавни набавки ма опрема по највисоки ИСО и ХАСАП стандарди. Наскоро ќе воведеме ново мени после повеќе од 15-тина години. Со тоа значително ќе се подобри исхраната со што решаваме уште еден голем проблем на студентите.
Проблемите се решаваат од корен, и ги уверуваме студентите дека условите за живот и учење во домовите ќе се подобруваат“ се вели во соопштението на Државен студентски дом „Скопје“ – Скопје.