Студентите во домовите се без топла вода, без парно, спијат во стари и дотраени кревети, во 21. век користат полски тоалети, ректоратот одлучил да се поднови со ново возило од марката Мерцедес Е – класа, се жалат студентите.
Ова возило чини „само“ 65.000 евра, велат академските граѓани, кои за да немаат проблеми, сепак сакаат да останат анонимни.
Студентите реагираат на мизерните услови, но никој ништо не презема, освен што се бришат графитите и се занемаруваат нивните укажувања.
Ректоратот, чекорот го објаснува со неопходност од реновирање на возниот парк, кој нема да биде на товар на државниот буџет.
