На јавната расправа за предлогот за државниот испит не е поканет Студентскиот пленум, односно мнозинството на кој се однесуваат овие измени. Од студентскиот пленум повикаа студентите да се појават на Педагошкиот факултет во 14 часот и да се слушне нивниот глас кој очигледно власта сака да го игнорира.
Во 14:00 на Педагошкиот факултет ќе има јавна дебата околу државниот испит и другите мерки предложени од страна на Владата во која „ќе бидат вклучени сите засегнати страни“.
Студентскиот Пленум не беше исконтактиран да присуствува и покрај својот легитимитет кој го доби на студентскиот марш и бројните изјави на министерот во кои тој вели дека се чека само конкретен предлог закон за да се дискутира со студентите. Токму поради тие причини, утре во 14:00 ќе бидеме таму. Ќе видиме колку оваа дебата е вистински „јавна“.
Ве повикуваме да дојдете заедно со нас.
Студентскиот глас мора да биде чуен, се вели во повикот на Студентскиот пленум.