На 23 факултети на Универзитетот „Св. Кирил и Методиј“ денеска од 9 до 17 часот ќе се спроведе гласање за избор на нов претседател на Студентскиот парламент на Универзитетот (СПУКМ).
Кандидати се Шевал Нуредин, студент на Економскиот факултет, поддржан од 29 делегати од СПУКМ, Трајче Митрев, студент на Стоматолошкиот факултет, поддржан од 15 матични студентски парламенти и Кирил Спироски од Правниот факултет, поддржан од пет матични студентски парламенти.
Кампањата за избор на нов студентски лидер на Скопскиот универзитет почна на 28 септември и траеше до понеделникот. Новоизбраниот ќе го замени актуелниот претседател на СПУКМ, Иван Живковски.