Главната крстосница во центарот на Струмица вечерва беше во знакот на Шарената револуција. Струмичани масовно се собраа и ја испишаа главната порака „еднопартиски избори нема да дозволиме“, но и „нема правда нема мир“, „затвор за криминалците“, „Струмица шара правда бара“, „Кољо оди си“, „сиктер Грујо“, а шарени од платно станаа и околните дрвја.
Пораки упатија и неколку учесници во протестот. Панче Орцев порача: „Бараме младите да ни се вратат дома! Бараме Груевски да си замине! Еднопартиски избори нема да има!” Додека нема правда нема да има ни мир!
