Триесет и шестгодишен струмичанец Т.Д во своето возило „фолксваген шаран“ нелегално превезувал девет странски државјани.
На струмичанецот полициските службеници му дале знак да застане на магистралниот пат Штип – Свети Николе, на м.в. „Криви Дол“, но возилото продолжило да се движи.
На оддалеченост од околу два километри било забележаното како стои парикирано, а од истото излегувале непознати лица кои се обиделе да избегаат.
-Се работи за девет странски државјани, кои не поседуваат документи за идентификација, а од извршениот разговор со истите е дознаено дека откако нелегално влегле во Република Македонија, потоа биле преземени од Т.Д. кој за надомест од 20 евра од лице требало да ги пренесе до Велес, а потоа да заминат нелегално во Р Србија- информираат од Министерството за внатрешни работи.
По документирање на случајот против струмичанецот ќе биде поднесена соодветна пријава, додека странските државјани се предадени во Прифатниот центар за странци во Скопје.