Полициски службеници денеска лишиле од слобода едно лице од Струмица поради тоа што на магистралниот пат Штип – Велес, кај место викано „Три чешми“, штипско, во товарно возило „Нисан“ превезувал 19 лица мигранти од Авганистан и Пакистан.
Претходно, како што соопшти МВР, возачот на возилото не застанал на знак за запирање од полициските службеници и се обидел да побегне, но набргу потоа возилото било запрено и тој бил лишен од слобода.
По целосно документирање на случајот против возачот ќе биде поднесена соодветна пријава.