Од утрово повторно е реактивиран пожарот во струмичко, на местото викано „Два Пата“.
Дирекцијата за заштита и спасување информира дека во гасење на пожарот од утрово во 7 и 30 часот се ангажирани два авиони. Учествуваат 10 пожарникари од Територијалната противпожарна единица и 40 работници на подрачното Шумско стопанство.
Минатата недела струмичкиот пожар, кој беше подметнат од девојка, зема две жртви. Двајца браќа, починаа од изгорениците на 90 отсто од телото со кои се здобија во обид да се справат со огнената стихија. Повредени се уште 12 лица, а вчера колабираше и еден пожарникар.
Пожарот уништи и 200 хектари борова шума.
