Македонија е успешна земја на многу начини, особено во водење на мултиетничкото општество, за кое покажува како треба во регионот и во светот, вели генералниот секретар на НАТО, Јенс Столтенберг пред почетокот на неформалниот состанок на лидери на НАТО сојузници од регионот, кој се одржува во Скопје.
„Одвај чекам да дискутираме регионална безбедност со лидерите, но и да ги адресираме предизвиците со кои се соочуваме во овој регион, гледаме повеќе глобални натпревари, војната во Украина која продолжува, но и новата војна. Го поздравувам договорот помеѓу Израел и Хамас кој води до ослободување на заложници и овозможува да се донесе хуманитарна помош“, кажа Столтенберг.