Јован Стојаноски денеска и официјално ја презеде функцијата градоначалник на Охрид.
На Стојаноски му беше врачено уверението од страна на Општинската изборна комисија, а потоа тој и неговиот претходник Никола Бакрачески имаа средба и примопредавање на должноста.
На средбата биле разменети мислења околу функционирањето на Локалната самоуправа и клучните приоритети и проекти важни за развојот на општина Охрид.
На функција денеска стапи и градоначалникот на Општина Дебрца Зоран Ногачески, како и советниците одновиот состав на Советот на општината.
Ногачески веднаш по преземањето на должноста изјави дека ќе биде градоначалник за сите, а новата Локална самоуправа транспарентна, услужна, правична, отворена за сите граѓани.