Општина Центар и годинава продолжува со грижата и ги наградува талентираните ученици од основните општински училишта.
Ова е веќе трета година по ред како ќе бидат доделени стипендии за учениците кои покажале континуиран успех во текот на школувањето од 6-то одделение.
Услови за доделување стипендија се следните: да се ученици на општина Центар, редовни ученици во 8-мо и 9-то одделение и да оствариле континуиран успех со просек 5.00.
Во критериумите влегуваат и освоени награди од областа на науката, културата, уметноста и техниката од 6-то до 9-то одделение.
Висината на стипендијата ќе изнесува 2500 и 2000 денари месечно, за 8 месеци во текот на учебната година.
Рокот за поднесување на документи е заклучно 23.9.2016 години.