Карпош и граѓаните покажаа дека знаат да се борат и да го бранат своето. Да почитуваат вредности. Карпош покажа дека е против поделби и политизации и очигледно е дека во Карпош победија и левите и десните, и СДСМ и ВМРО-ДПМНе и ДПА и ДУИ, сите кои помогнаа да победи граѓанскиот концепт во Карпош. Вака вечерва се обрати Стевчо Јакимовски, досегашниот и иден градоначалник на Карпош.
Во ниту еден момент не се сомневав во мојата победа, јас постојано знаев дека ќе победиме зашто граѓаните беа зад мене и ми ја дава поддршкаѕа сите овие 4 години. Ова е уште една потврда дека граѓаните знаат за она што сме го сработиле. Ветувам дека ќе бидам градоначалник на сите граѓани на Карпош, без оглед на партиската припадност, Карпош ќе биде дом за сите.
Јас само можам да ја прогласам победата на граѓаните со над 10.000 гласови, рече Јакимовски.