Граѓаните на Гази Баба многу добро паметат каков градоначалник беше Стефановски кој со шест пати помал буџет од денешниот на Тони Трајковски направи многу повеќе на планот на подобрување на условите за живот на граѓаните на Гази Баба, транспарентно, со многу труд, залагање и посветеност.
Ова се вели во реакцијата на кандидатот за градоначалник на Општина Гази Баба од редовите на опозицијата Борче Стефановски, на прес конференцијата на портпаролот на ВМРО-ДПМНЕ Александар Бичиклиски, кој го обвини Стефановски за матни зделки.
„Мојот поранешен пријател Бичиклиски ја рефлектира очигледната нервоза во владеачката партија во однос на сè поголемиот рејтинг на кандидатот на Сојузот за иднината за градоначалник на Гази Баба, Борче Стефановски”, се вели во реакцијата на Стефановски.
Тој додаде дека Бичиклиски денеска го наклеветил, без да понуди било каков доказ за изречените тврдења.