ССМ ќе го одбележи 1 Мај со синдикален марш

Од:

Сојузот на синдикати на Македонија (ССМ) ќе го прослави Меѓународниот ден на трудот со синдикален марш со кој ќе побара унапредување на работничките права.

Одлуката со марш да се одбележи 1 Мај, како што попладнево изјави претседателот на ССМ Дарко Димовски, е донесена едногласно на денешната седница на Советот на ССМ.

– По предлог на ССМ е отворен Законот за работни односи и можам оптимистички да кажам дека 70 проценти од членовите се усогласени со нашите партнери – Организацијата на работодавачи и Владата. Отворен е и Општиот колективен договор за приватниот сектор, но тука сум песимист. Сепак, верувам дека ќе наидеме на разбирање и ќе го потпишеме овој договор, рече Димовски на прес-конференција.

Маршот ќе почне од пред зградата на ССМ по што ќе продолжи пред Собранието, а ќе заврши пред Владата каде ќе биде прочитан првомајски манифест со кој ќе се побара брзо решавање на сите нерешени работи од Законот за работни односи и Општиот колективен договор.

Од ССМ ги повикаа граѓаните и останатите синдикати да се приклучат на маршот и заеднички да се изборат за подобрување на работничките права.

– Исто така, повикувам 1 Мај да биде ден на трудот, а не ден на некои политички партии кои преку работникот сакаат да остварат нивни цели и да го злоупотребат работникот. Први Мај мора да остане ден на трудот. Да ја тргнеме политиката од тој ден и да застанеме зад подобрувањето на работничките права, порача Димовски.

Би можело да ве интересира

Синдикалната минимална кошница за март 58 998 денари, само за еден месец се зголеми за 1522 денари

Орце Костов

ССМ бара повторување на постапката за конфискацијата на Работничкиот дом, најавува и протести

ССМ поднесе барање до Судскиот совет за разрешување на тројцата врховни судии кои донесоа одлука за одземање на работничкиот дом

Судскиот совет добил претставка и постапува по одлуката на Врховен суд за зградата на ССМ

ССМ бара оставка од тројцата судии што ја донеле одлуката за одземање на зградата, најавуваат постапка и пред Судскиот совет

Трендафилов: Со „плата во плико“ работниците стануваат модерни робови