Средношколскиот Пленум со поддршка за утрешните протести на професорите и наставниците

Од:

Средношколскиот Пленум им изразува целосна поддршка на утрешните протести на професорите и наставниците. Пленумот смета дека укинувањето на казните за професорите од екстерното тестирање доведува до губење на притисокот врз учениците.

Притисокот кој се врши врз професорите, е и притисок врз учениците.
Средношколскиот Пленум екстерното тестирање го смета за необјективен начин да се изрази реалното знаење на учениците. Реалното знаење не се покажува преку притисоци и закани.

Должни сме да ги поддржиме професорите кои утре штрајкуваат, да ги поддржиме оние кои нѐ учат на вистинските вредности, на непокорливност, достоинство, храбост и солидарност. Да ги поддржиме и охрабриме во барањата затоа што залагањето за подобро образование е заедничко. Да истраеме во идејата за квалитетно образование, во идејата за подобри услови.

Затоа, ги повикуваме сите средношколци, основци, сите граѓани на Република Македонија, утре, на 4 февруари, да ги поддржиме протестите на професорите кои штрајкуваат. Да покажеме дека образованието, професорите и учениците, не се простор за експерименти. Да докажеме дека професорите и учениците се на една страна. Да покажеме дека сме на страната на образованието, најсилното оружје кое може да го промени светот.

Борбата не е само нивна. Идејата за квалитетно образование е заедничка. Тишината не е решение.

Средношколскиот пленум изразува недвосмислена и јавна поддршка на најавените протести организирани од СОНК планирани за оваа седмица, изразувајќи им на своите професори солидарност и поддршка.

Би можело да ве интересира

Средношколците ќе учат до 10-ти, a основците до 17 јуни, ќе се одлучува како ќе се надоместат двете неработни среди за изборите

Преполовен бројот на новите средношколци во Струмица

Гимназиите веќе не се најпривлечни за учениците

Берин Мухамед нов претседател на Сојузот на средношколци

Ана Ололовска

Сојузот на средношколци ќе избира нов претседател и Извршен одбор

Ана Ололовска

Сојузот на средношколци поднесе иницијатива до Уставен суд, сите средношколци да имаат бесплатен јавен превоз