17-годишен скопјанец вчеравечер за време на полициски час е ранет во тепачка што се случила во скопската населба Топанско Поле, откако според негово кажување, тројца го нападнале на булеварот „Македонско-косовска бригада“, соопшти МВР.
„На 28.04.2021 во 22.40 часот во СВР Скопје, од Градската општа болница „Св.Наум Охридски“ било пријавено дека кај нив бил донесен 17-годишник со убодна рана од остар предмет. Според неговиот исказ, околу 20.30 часот на ул.„Македонско-Косовска бригада“ бил физички нападнат од три лица кои со остар предмет му нанеле убодна рана,“ велат од МВР, додавајќи дека се преземаат мерки за расчистување на случајот.