Маршеви на средношкоците се одржуваа во повеќе градови, а во четврток во 12 часот и во Скопје. Маршот ќе тргне од Градски парк – фонтана и ќе се движи кон Министерството за образование.
Учениците повикуваат да се соберат во што поголем број со цел да се искаже нивниот револт кон лошите реформи.
„Време е да го отфрлиме туѓото влијание бидејќи образованието ни припаѓа нам! Време е да покажеме дека нема да дозволиме да го уништат образовниот систем за нас и за идните генерации! Затоа дојдете и придружете се!“, повикуваат организаторите.
Тие имаат и кодекс на однесување за време на маршот. Забрането е и стакнување партиски, религиозни и етнички симболи, секаков вид вандализам, палење учебници и сл., уништување на јавен имот, пропагирање на вертикална структура, насилство и говор на омраза, користење алкохол и опојни дроги, оружје и пиротехника.
Средношколците ќе протестираат во Скопје, Тетово, Струга, Струмица, Кочани и Ресен, соопштуваат од Средношколскиот пленум.