Средношколци презентираа како го замислуваат реформираното образование

Од:

Група средношколци од скопската гимназија „Орце Николов“ денеска на министерката за образование и наука Мила Царовска ѝ презентираа целосно нов концепт за тоа како тие го замислуваат реформираното средно гимназиско образование.

– Станува збор за документ изготвен од тим ученици како дел од проектот „Имам став“, во организација на Парламентарниот институт при Собранието на Република Северна Македонија, соопшти Министерство за образование и наука.

Министерката Царовска на состанокот рече дека во процесот на создавањето на новиот концепт на средното образование добредојдени се сите иницијативи и идеи од учениците, наставниците и родителите, бидејќи новиот модел на образование треба да ги научи учениците критички да размислуваат и да носат одлуки врз основа на анализа и факти.

– Го менуваме образованието на подобро, а нашите клучни партнери се учениците, наставниците и родителите. Сите заеднички ќе работиме на создавање на најдобриот модел кој што ќе го имплементираме, рече Царовска.

Како што информира МОН, концептот што го нудат средношколците предвидува задолжителни и изборни предмети, дигитализација на евиденцијата за отсуства и темелни промени во начинот на евалуација на знаењето на учениците.

Би можело да ве интересира

Средношколците ќе учат до 10-ти, a основците до 17 јуни, ќе се одлучува како ќе се надоместат двете неработни среди за изборите

МОН: Поради голем интерес до 25 декември може да се аплицира за финансиска поддршка за учениците

Осум важни достигнувања за осум години: Иновации на Бреинстер што го менуваат образованието

Горан Наумовски

Септемвриските плати во основното и средното образование ќе бидат повисоки за 15 oтсто

МОН ветува – ниту еден наставник нема да биде отпуштен, ниту ќе добива помала плата

А1он

Преполовен бројот на новите средношколци во Струмица