Средношколци од неколку европски земји во посета на СКСЗМ

Од:

Делегација на средношколци и професори од Белгија, Германија, Шпанија, Франција, Италија, Шведска, Унгарија и Македонија денеска беше во посета на Стопанската комора на северо-западна Македонија (СКСЗМ) каде им беа презенитирани поволностите што се нудат за младите во Македонија.

За програмите за вработување на младите, субвенциите од страна на државата, различните обуки и претприемништво за млади средношколците беа запознати од Агенцијата за вработување на Република Македонија, Младинскиот образовен форум и Кариера.мк, а за можностите за вработување и програмите за поддршка на младите од страна на компаниите презентации одржаа Даути Комерц, Алма-М и Бентон Ни.

Настанот, како што информираат од Комората, е во рамките на програмата на Европската унија „Еразмус плус“ управувана од Европската комисија, чиј фокус се образованието, обуките, младите и спортот.

– Создавањето нови можности за образование и стекнување знаења и вештини за младите, ќе остане приоритет на Комората, а програмата е одлична можност за придонес и развој на младите, кој ќе резултира со конкуренција и поголем потенцијал како добра основа за развој на земјата, порача претседателот на СКСЗМ Неби Хоџа.

Тој нагласи дека претприемништвото е движечка сила на секоја економија која промовира одржлив раст и развој и додаде дека СКСЗМ продолжува да го промовира претприемништвото кај младите и да ги мотивира да започнат свој бизнис.

Делегацијата на ученици ќе ја продолжи нивната посета кај компаниите-членки на Комората.

Би можело да ве интересира

Средношколците ќе учат до 10-ти, a основците до 17 јуни, ќе се одлучува како ќе се надоместат двете неработни среди за изборите

Преполовен бројот на новите средношколци во Струмица

Гимназиите веќе не се најпривлечни за учениците

Берин Мухамед нов претседател на Сојузот на средношколци

Ана Ололовска

Сојузот на средношколци ќе избира нов претседател и Извршен одбор

Ана Ололовска

Сојузот на средношколци поднесе иницијатива до Уставен суд, сите средношколци да имаат бесплатен јавен превоз