Амбасадорката на Кралството Белгија во Република Бугарија со мандат и за Република Македонија, Аник Ван Калстер денеска беше примена од градоначалникот на општина Центар, Андреј Жерновски.
Амбасадорката беше запознаена со состојбите и работењето на општина Центар.
Жерновски ја информираше амбасадорката Ван Калстер и за актуелната политичка состојба во Македонија, за случувањата околу предвремените парламентарни и претседателски избори и зошто опозициската коалиција се одлучи нејзините пратеници да ги вратат мандататите, се’ со цел да не се даде легитимитет на изборниот фалсификат.
Жерновкски ја запозна амбасадорката Ван Калстер и за натамошните чекори на опозицијата, како и за заложбите за исполнување на копенхашките критериуми за влез на Македонија во ЕУ, како и залагањата за исполнување на критериумите кои се клучни за влез на Македонија во НАТО.