Градоначалникот на општина Центар, Андреј Жерновски, оствари средба со амбасадорот на Кралството Белгија во Бугарија, Н.Е. Аник Ван Калстер, надлежна за Македонија.
Двајцата соговорници разменија мислења за актуелната политичка состојба во Република Македонија, за “Шарената револуција“ и секојдневните протести, предизвикани од аболицијата на претседателот Ѓорѓе Иванов за политичарите. Разменети се и мислења за значењето и овозможувањето на Специјалното јавно обвинителство да ја заврши својата работа, како и за развојот на идните настани.
На средбата се разговараше и за можната идна соработка на општина Центар со општини во Кралството Белгија.