Денеска во посета на општина Центар беше делегација на Министерството за надворешни работи на земјите од Бенелукс (Холандија, Белгија и Луксембург).
Делегацијата беше придружувана од амбасадорите на Кралството Белгија во Р. Бугарија со мандат и за Р. Македонија, Н.Е. Аник Ван Калстер и на Кралството Холандија, Н.Е. Мариет Шурман.
На средбата со градоначалникот Андреј Жерновски е разговарано за случувањата и состојбата на политички план во Република Македонија.
Гостите особен интерес пројавија за случувањата во општина Центар.
Средбата е на иницијатива на делегацијата од Министерството за надворешни работи на Бенелукс.