Министерот Оливер Спасовски денеска во Струмица, пред започнувањето на заедничката седница на владите на двете земји, одржа работна средба со министерот за внатрешни работи на Република Бугарија Валентин Радев.
На средбата беше потенцирана одличната соработка меѓу двете министерства, а беа разгледани и можностите за дополнително интензивирање на соработката.
Министрите Спасовски и Радев ја потенцираа важноста од интензивирање на активностите околу отворањето на планираните нови гранични премини, особено граничниот премин Клепало-Сандански, со што ќе се овозможи полесна комуникација и движење на граѓаните.
Двајцата соговорници разговараа и за соработката на двете министерства во рамки на меѓународните организации, како и соработката во борбата против сериозниот и организиран криминал, особено кога таквиот криминал поседува елементи на прекугранични активности.