Средба на Заев со граѓанскиот еколошки сектор: Се работи на решенија за Југохром и за дислокација на депонијата во Тетово

Од:

Претседателот на Владата на Република Македонија, Зоран Заев, придружуван од вицепремиерот за економски прашања и координација со економските ресори, Кочо Анѓушев и од министерот за животна средина и просторно планирање, Садула Дураку, денеска се сретна со претставници од невладината организација Еко Герила, претседателот Аријанит Џафери, придружуван од членовите Мерита Максути и Надњим Мехмети.

Тема на состанокот беа еколошките состојби во Тетово, а посебен акцент е ставен на фабриката Југохром и на депонијата во Тетово.

Премиерот Заев соопшти дека Владата е сериозно посветена на решавање на двата проблема.

Претседателот на Владата, Заев, информираше дека се работи на решение за дислокација на депонијата во Тетово и дека ова прашање за брзо време ќе се најде на владина седница. Исто така и дека Владата е сериозно посветена на решавање на проблемот со депониите во целата држава, коишто претставуваат сериозни загрозувачи на здравјето на граѓаните и на животната средина.

Во врска со Југохром, со претставниците на невладината организација беше разговарано за можните начини на решавање на прашањето со фабриката којашто сега не работи поради ненавременото решавање на ова прашање и необезбедените, а потребни еколошки филтри за заштита на животната средина, поради што вработените останаа без работа.

Премиерот Заев и претставниците од Владата соопштија дека во пристапот за изнаоѓање решение ги земаат предвид и еколошките и егзистенцијалните потреби на граѓаните. Најавено е дека прашањето ќе се решава со писмени гаранции за преземени обврски од сите засегнати страни, по заокружување на консултациите со сите.

Досега веќе е разговарано со претставници на синдикатот на вработените во фабриката Југохром, како и со менаџментот, по што Владата од денеска влезе и во консултации со граѓанскиот еколошки сектор.

Премиерот Заев на средбата соопшти дека Владата со сериозна посветеност ќе пристапува кон сите важни прашања за граѓаните, меѓу кои е нивното здравје, заштитата на животната средина, како и егзистенцијата на луѓето и развојот на економијата во државата.

Би можело да ве интересира

Кривични пријави и притвор за престрелката во Тетово, двајца се во бегство

Катерина Ѓуровски

Притвор за сите што со автоматски пушки пукаа во возилото во Тетово и го убија возачот

Предраг Петровиќ

Двајца малолетници и две жени се уапсени за убиството во Тетово

Горан Наумовски

Левица: Инфлацијата јаде, владата молчи

Уапсени се три лица за вчерашната престрелка во Тетово

По престрелката во Тетово четворица тешко повредени завршија на скопските клиники

А1он