Координаторот на пратеничката група на СДСМ и коалицијата Томислав Тунтев денеска имаше средба со пратениците од Европскиот парламент Иво Вајгл, Кнут Флекенштајн и Едвард Кукан.
На средбата, како што се наведува во соопштението, се разговарало за повеќе прашања, а во фокусот на разговорите бил напредокот на политичкиот дијалог во Собранието и потребата за вклученост на сите парламентарни групи.
– Соговорниците посебно внимание посветија на актуелните процеси во Собранието на Република Македонија, особено на потребата од непречено функционирање на работата на Парламентот во наредниот период и пакетот закони што се планира да биде усвоен, стои во соопптението од СДСМ.
Координаторот Тунтев изразил особена благодарност до европските пратеници за интересот што го покажуваат за работата на Собранието на РМ и изразил надеж дека Република Македонија и понатаму ќе има меѓународна поддршка за унапредување на демократските процеси во земјата, спроведувањето на потребните реформи и интеграција во ЕУ.
