Средба на претставници на НВО „Веритас“ со Шехтански

Од:

Претставници од граѓанската иницијатива „Веритас“ се сретнаа со директорот на Државниот инспекторат за локална самоуправа Ванчо Шехтански и побарале да се преиспита одлуката која евентуално денеска ќе биде донесена на седницата на Советот на општина Центар.

– Нашата цел е постигната. И покрај обврската на Државниот инспекторат да го прави тоа што ние го побаравме, добивме уверување од директорот дека ќе постапи онака како што му налага неговата функција. Денеска ги мобилизиравме и државните институции, а исто така бараме поддршка и од редовите на црквата, изјави Сузана Миновска од „Веритас“.

Таа изрази благодарност до сите оние кои ги поддржале протестите.

– Ќе ја браниме црквата, ако ја донесе одлуката и ако не ги чека одлуките на Државниот инспекторат за локална самоуправа, изјави Соња Зашевска.

Одржувањето на протестите на граѓанската иницијатива „Веритас“ за продолжување на изградбата на црквата „Св. Константин и Елена“, како што информираат од „Веритас“ ќе зависат од одлуката на градоначалникот на Центар Андреј Жерновски и од државните институции.

Би можело да ве интересира

Герасимовски: Овој ден е важен, затоа што со секој глас се гради демократијата и иднината на Општина Центар

Горан Наумовски

(ИНТЕРВЈУ) Мирослав Лабудовиќ: Целосна реконструкција на улиците во Центар за ослободување на просторот од хаосот

Предраг Петровиќ

Герасимовски: Платено практикантство, обуки и субвенции, поддршка за професионален развој и економска независност на младите

Новотни: Доста е од бетон и чад — Центарот мора да стане место каде што децата слободно дишат

Марковски: Скопје мора да дише слободно

Герасимовски: Заокружи го бројот 5 во недела, за континуитет, стабилност и развој на Центар