Претседателот на СДСМ Зоран Заев денеска оствари средба со амбасадорката на Кралството Белгија, Аник Ван Калстер.
На средбата претседателот Заев истакна дека досега власта ја злоупотребуваше конструктивноста на опозицијата којашто во преден план ги има државните интереси.
-Нема држава, се е партија. Не важат ни Уставот ни законите само волјата и интересот на владејачката партија. Со криминално спроведените двојни избори беше загрозена слободата на избор на граѓаните на Република Македонија. Затоа, СДСМ предлага формирање техничка влада којашто ќе биде гаранција за фер и демократски избори, нагласи Заев.
Заеднички беше констатирано дека реформите, дијалогот и демократизацијата на државата се клучни за напредокот на Република Македонија.
