Над две илјади пензионери од 20 пензионерски здруженија од цела Македонија денеска учествуваа на традиционалната средба на пензионерите од државата која по 11-ти пат се одржува во манастирскиот комплекс „Свети Пантелејмон“ во кочанското село Пантелеј.
Во име на организаторот присутните ги поздрави претстедателот на Здружението на пензионерите на Кочани Горги Серафимов, а во име на градот-домаќин добредојде на пензионерите им посака градоначалникот на Кочани Ратко Димитровски.
На присустните им се обрати и претседателот на Сојузот на пензионерите на Македонија Драги Аргировски.
Во културно-уметничката програма настапи фолклорниот ансамбл од Здружението на пензионери од Радовиш со песни и ора од радовишкиот крај, со кои ја претставија Македонија и на средба на пензионерите во Љубљана.
Учесниците на собирот ги посетија и двете мананстирски цркви „Свети Пантелејмон“ и „Света Богородица“ изградени во 1871 година и фрескоживописани од тајфата на зографот Димитрија Андонов Папреадишки.