Македонскиот министер за надворешни работи Никола Димитров денеска се сретна со новоназначениот претставник на Светската здравствена организација др. Жихан Тавила, која го предаде писмото за нејзиното именување на оваа функција во Република Македонија.
Двајцата соговорници размениле мислења за доменот на работа на Светската здравствена организација, досегашната и претстојната соработка на Република Македонија со оваа специјализирана агенција на ОН, како и за актуелните услови и приоритети во рамки на македонската здравствена политика.
Министерот Димитров ја истакнал подготвеноста на Министерството за надворешни работи и ресорните институции за натамошно унапредување на соработката во насока на спроведување на стандардите на Светската здравствена организација во македонскиот здравствен систем.