Министерот за надворешни работи на Република Македонија Никола Димитров утре ќе го прими новиот генерален секретар на ОБСЕ, Томас Гремингер, кој ќе престојува во прва посета на Македонија по преземањето на мандатот.
На средбата двајцата соговорници ќе разменат мислења за новата општествена клима во Република Македонија, а ќе дискутираат и за соработката на Владата на Република Македонија со ОБСЕ и поддршката што ја дава ОБСЕ во процесот на европската и евро-атлантска интеграција на нашата држава. Инаку, посетата на ГС Гремингер се совпаѓа со 25-та годишнина од воспоставувањето на Мисијата на ОБСЕ во Скопје.