Средба на Мицкоски со Бенџамин, директорот на НДИ за Европа: Стратешки приоритет на Македонија се ЕУ и НАТО

Од:

Претседателот на ВМРО-ДПМНЕ Христијан Мицкоски, придружуван од генералниот секретар Игор Јанушев, оствари средба со Роберт Бенџамин, директор на Националниот демократски институт (НДИ) за Европа и претставниците на НДИ за Македонија, директорот Крис Хеншоу и неговиот заменик Роберт Скот Хејзлет.

На средбата се разговараше за актуелната политичка и економска состојба во земјава, но и за стратешките цели на Република Македонија како влезот во ЕУ и НАТО.

Мицкоски и Бенџамин ја поздравија досегашната соработка помеѓу ВМРО-ДПМНЕ и НДИ и беше заклучено дека постои можност за нејзино понатамошно унапредување.

Мицкоски го информираше директорот на НДИ за Европа, Бенџамин за немањето демократски капацитет и злоупотребата на институциите од страна на власта. Тој исто така се осврна на немањето капацитет на власта да ги спроведе реформите и да се справи со корупцијата што беше потврдено и на состанокот на министрите на земјите членки на ЕУ поради што земјава не доби покана за членство во унијата.

Претседателот на ВМРО-ДПМНЕ изрази загриженост за лошата економска ситуација во која се наоѓа државата што резултира со се поголемо осиромашување на граѓаните на Република Македонија.

Мицкоски посочи дека стратешки приоритет на Република Македонија е членството во ЕУ и НАТО, кое треба да биде резултат на спроведени реформи и владеење на правото, а не на штетни договори кои наидуваат на осуда во јавноста.

Би можело да ве интересира

Арсовски: Покачувањето на струјата е за лично богатење на Заеви

А1он

ВМРО-ДПМНЕ: Неспособноста на Заев и Филипче стана меѓународен здравствен проблем

А1он

ВМРО-ДПМНЕ: СДСМ да каже дали има парламентарно мнозинство

А1он

ВИДЕО: ВМРО-ДПМНЕ бара Антикорупциската да отвори случај за финансирање на изборната кампања на СДСМ

А1он

ВМРО-ДПМНЕ: На Македонија ѝ е потребна сигурна иднина, која ќе ја овозможи влада преводена од ВМРО-ДПМНЕ

А1он

СДСМ тврди дека преговара за Влада со стабилно мнозинство, ВМРО-ДПМНЕ бара да ги кажат имињата на партиите

А1он